चैत २६ , दाङ  ।

लुम्बिनी प्रदेशको राजधानी दाङमा नेपाल पत्रकार महासंघको निर्वाचनको मतगणना सुरु भएको छ ।

महासंघको जिल्ला शाखा कार्यालयको हलमा बिहान नौ बजेबाट गणना सुरु भएको हो । निर्वाचन समितिका सदस्य केएल पीडितका अनुसार जिल्लाबाट मतगणना थालिएको छ ।

दाङ, केन्द्रीय अध्यक्षका उम्मेदवार विपुल पोखरेलको गृह जिल्ला हो । यहाँ अध्यक्ष पदमा लक्ष्मी आचार्य र दुर्गालाल केसी उम्मेदवार छन् । आचार्यलाई प्रेस युनियन, प्रेस संगठन र विप्लव समूहको साथ छ । प्रेस चौतारी (ओली समूह)का केसीलाई राप्रपाले साथ दिएको छ ।

बुधबार भएको निर्वाचनमा  २७७ मतदातामध्ये २६३ मत खसेको थियो ।

Comments

Leave a comment